網紅的藏寶箱今日開始，九鬼居酒屋星期日都開啦，可以食居酒屋串揚飲Sake 嘅Sunday Brunch啦！
銅鑼灣耀華街日式居酒屋「九鬼」以日本戰國時代著名武將家族為名，九鬼是日本戰國時代曾為織田信長和豐臣秀吉效力的著名武將家族。九鬼家族出生水軍，經常大班人聚在一起用餐暢飲，店名同時亦取其諧音「酒鬼」，讓大家到此與三五知己共聚暢飲。店內以武士為主題，掛有不同現代演繹的武士掛畫。
食物主打日式串揚，炸漿用上天婦羅粉、太白粉同山藥調製而成，食落特別薄身酥脆而唔油膩！其中嘅鹽麴雞選用阿波美雞，雞肉軟嫩多汁，用鹽麴調味香口得黎又唔會太鹹，再配上帶微酸既自家製辣醬汁，送酒一流。而另一主打關東煮提供兩款不同的湯底，包括傳統的昆布湯和大廚特製、以各種時令鮮魚熬成的魚湯底，濃郁的魚湯多了一點地道風味，更見鮮甜！
#九鬼 #酒鬼 #居酒屋 #SundayBrunch #串揚 #關東煮 #魚湯 #清酒 #餐酒 #佐酒小食 九鬼居酒屋 Kuki Izakaya
Search